| 10.02.2008 05:21:44, Bibbi |
Sýningar:
1921 Garði, Hegranesi - I verðlaun. Eigandi: Pálmi Símonarson, Svaðastöðum. Stærð: 136 cm
Lýsing: Frítt höfuð, augun fjörleg og djörf, fínn reistur háls, lítið eitt baklangur og afturdreginn, ágætar síður, fótastaða og bygging góð.- Fríður reiðhestur.
1923 Garði, Hegranesi - I verðlaun. Eigandi: Pálmi Símonarson, Svaðastöðum. Stærð: 140 cm
Lýsing Síðastliðin tvö ár hefur hann þroskast mjög vel og skipast við þroskann, svo nú telst hann hesta bestur.
1927 Egilsstaðir - I verðlaun. Eigandi: Hrossaræktarfélag Fljótsdalshéraðs.
1930 Egilsstaðir - I verðlaun. Eigandi: Hrossaræktarfélag Fljótsdalshéraðs.
1930 Egilsstaðir - II verðlaun fyrir afkvæmi. Eigandi: Hrossaræktarfélag Fljótsdalshéraðs.
1933 Egilsstaðir - I verðlaun. Eigandi: Hrossaræktarfélag Fljótsdalshéraðs.
Sörli frá Svaðastöðum Nr. 71 er stofnfaðir hins s. n. Svaðastaðastofns, sem hefur hlotið mikla útbreiðslu í landinu síðan um 1930. (GB, Æ&S I)
Svaðastaða-ætt. Vorið 1921 sýndi Pálrni Simonarson á Svaðastöðum brúnan hest, 5 vetra gamlan, Sörla að nafni. Hann hlaut þá I. verðlaun. 1923 sýndi hann Sörla aftur, og systur hans brúna,ári eldri, er hann nefndi Tinnu, og hlutu þau bæði I. verðlaun. Þau voru af hrossakyni Jóns ”ríka” á Svaðastöðum. Hafði Jón lagt mjög mikla stund á að rækta hrossin vel, og borið góðan árangur. Þarna fór svo giftusamlega, að Pálmi, sern tók við af Jóni, lagði ekki minni stund á hrossaræktina en frændi hans hafði gert. Um aldamótin girti Pálmi heimaland sitt, og síðan hafa hross hans verið einangruð, og ekki fengnir stóðhestar að, svo hrossin hafa verið hreinræktuð, undir glöggu eftirliti, enda er árangurinn góður. Sörla tel jeg fegursta stóðhestinn, sem jeg hefi sjeð, og systir hans honum líka. Svaðastaða-hrossin tel jeg svo góð, að þá væri vel ráðið, ef þau breiddust út til kynbóta, og ættu hrossaræktarfjelög að leita þangað til hestakaupa sinna. (TA, Búnaðarrit 1924)
[Sörli] var fæddur 1916, og notaður til undaneldis á Svaðastöðum þar til hann var seldur Hrossaræktarfélagi Fljótsdalshéraðs snemma á vori 1924, en það notaði hann til kynbóta til þess er hann var felldur 1936. Reyndist hann góður kynbótahestur. Sörli var í báðar ættir frá Svaðastöðum, en þar hafa hrossin verið hreinræktuð um marga áratugi, og þolað vel skyldleikann. Hafa og hestar þaðan reynst áhrifaríkir þegar þeir blandast óskyldum ættum. Svaðastaðahrossin auðkenna sig, sem ætt, að þéttri, fínni byggingu, miklum vilja eða fjöri, fjölbreyttum gangi og þjálli lund. Eru þau því flest kergjulaus og ljúf í tamningu þó að þau séu nokkuð stygg í upphafi. Held ég þau beztu hrossaætt í Skagafirði, um þessar mundir. (TA, Búnaðarrit, 1939)
|
